Tauflaogen
Geschichten und Gedichte up Platt
Renate Blauth
Tau ehr eierste Bauk ‚Späte Spuren – einen Vater hatte ich auch‘ kreeg sei väle Geschichten van Land un Lüe tau hörn. Sei kömen ehr blots so tauflaogen, un meist up Plattdütsch.
Dorbi hannelde sick dat üm disse Ort van Vertellsels, dei blots dat Läwen schriewen kann. Sei schull´n nu för aale Tieden fasteholl´n wern.
Wecke van ehre Geschichten häff sei sick utdacht, uck ´n poor Gedichte sünd ehr infall´n. Sei vertellt van Sorgen un Glück, van Flaitkepiepen un Schmetterlinge, un van Kinner, dei uppe Straoten spält.
As Kind wör sei mit dei Spraoke upwassen, nu häff sei dat eierste Maol up Platt schräwen. Un mangers har ´t sick anfeuhelt, as off sei nao Huus kaomen wör.
