Quicklebennig in Mäkelborg
Jörg Benzmann
Een Wuurt vörweg
Hebben Sei egentlich noch een Bäukerregal tau Hus orrer gor een ganzen Bäukerschapp? Ik kann mi noch an mien Kinnertiet besinnen, dor hadden miene Öllern binah den ganzen Schapp mit Bäuker tausaamenstellt. Dat wier up mi antreckend, de välen Bäuker un de Geschichten, de dorhinner stünnen. Hütigendaachs kann de niemodsch Verloop bi`m Läsen een ok dörchenannerbringen! Ackerschnacker, Klappräkner un E-Bäuker sünd, glöf ik tauminnst, im Ogenblick woll dat Maat aller Dinge, taumaal dat nich bi all`n Minschen woll Vergnoegen maakt. Sihr eenfach is dorgägen de Griep tau Tastatuur, üm im Net för sik na Antwuurten tau säuken. Awer Regale vull Bäuker sünd wat schönet. So gaut as de digitale Welt ok is, Bäuker un de Geschichten dorin, ward dat hoffenlich noch sihr lang gäben. Un üm männig so`ne „Läuschen“ vun hüt, hannelt ok mien Bauk „Quicklebennig in Mäkelborg“. Ik luer dorup, dat ik mit mien Bauk dortau bidragen kann, dat uns wunnerbore Spraak nich vergäten ward, dat väle Wür`lebennig blieben………..
